Turǵyndardyń aıtýynsha, qazir bos qalǵan 15 úıdiń qulap qalýy da múmkin. Jyl saıyn kóktemde aýlalardy, baqshalardy sý basyp qalady. Turǵyndar bul aýmaqta Tótenshe jaǵdaı jarııalaýdy surap otyr. Biraq, departament ókilderi «Azamattyq qorǵanys týraly» Zańyna sáıkes, úılerdi sý basyp qalý jaǵdaıyn tótenshe jaǵdaı emestigin aıtýda. Turǵyndar oblystyq tótenshe jaǵdaılar jónindegi departamenttiń qorytyndysymen kelispeıdi.
Qala ákimi Nurjan Áshimbetovtiń aıtýynsha, qazir arnaıy shtab quryldy. Ákimdik, kommýnaldyq qyzmet ókilderi, depýtattar men turǵyndar úılerdi aralap, qajetti zattardyń tizimin jasaýda. Jergilikti kásipkerler 20 tonna sement, 40 tonna kómir, aǵash berýge ázir. Al «Gıdrogeologııa» JShS-y jerasty sýynyń mólsherin baqylap, sýdy tartyp shyǵaratyn uńǵymalar qazyp jatyr. Kóshelerge káriz júıesin salý boıynsha jobalaý qujattaryn ázirleý úshin 10 mıllıon teńge kerek. Bul jumys tek qazan aıynda ǵana bastalady.
Farıda BYQAI,
«Egemen Qazaqstan»
